Ordu.az xəbər verir ki, bu barədə Ermənistan Respublikaçılar Partiyasının icra orqanının üzvü Artak Zakaryan yazıb.

Onun sözlərinə görə, Ermənistanın ətrafında və regionda vəziyyət kifayət qədər mürəkkəbdir və çoxssenarili inkişaflarla doludur.

“Müharibə uzun çəkməyə bilər, lakin artıq miqyas alıb və region üçün yeni vəziyyət yaradıb. Düşünürəm ki, regional dövlətlər arasında, o cümlədən təhlükəsizlik, kommunikasiya, enerji və sivilizasiya baxımından münasibətlərin yenidən nəzərdən keçirilməsi zərurəti yaranacaq.

Bu vaxta qədər Ermənistanın həll etməli olduğu mühüm məsələlər var:

a) neytrallığın qorunması

b) maraqlı tərəflərdən mümkün təxribatların qarşısını almağa hazırlıq

c) münaqişə tərəflərinin müxtəlif xidmətləri və digər maraqları arasında “hesablaşma” meydanına çevrilməmək

d) mümkün qaçqın axınlarının idarə olunması, xaotik gediş və miqyas halında qarşısının alınması

e) ərzaq və yanacaq ehtiyatlarının təminatı ilə bağlı mümkün məsələlərdə qabaqlayıcı həllərin müəyyənləşdirilməsi”, - deyə Zakaryan qeyd edib.

Alpər Mövludoğlu
Ordu.az