Ordu.az xəbər verir ki, bu satışın məqsədi İtaliyanın hava hücumundan müdafiə imkanlarını gücləndirmək və NATO müttəfiqləri ilə əməkdaşlığı dərinləşdirməkdir.

Təsdiqlənmiş satışa 30 AIM-120D-3, 40 AIM-120C-8 və 2 AIM-120C-7 AMRAAM raketi daxildir. Bu raketlər İtaliyanın F-35 və “Eurofighter Typhoon” kimi çoxməqsədli döyüş təyyarələri ilə uyğun gəlir və müasir “hava-hava” təhdidlərinə qarşı effektiv müdafiəni təmin edəcək.

“RTX Corporation” tərəfindən istehsal olunan bu sistemlər aktiv radar yönləndirmə texnologiyası ilə bütün hava şəraitində effektiv performans təklif edir.

ABŞ Müdafiə Təhlükəsizliyi Əməkdaşlıq Agentliyi (DSCA) satışın ABŞ-nin xarici siyasəti və milli təhlükəsizlik məqsədlərini dəstəkləyəcəyini bildirib.

“Bu satış İtaliyanı cari və gələcək təhdidlərə qarşı müasir “hava-hava” döyüş sursatları ilə təchiz etməklə, NATO ilə əməkdaşlığı gücləndirəcək”, - deyə məlumatda bildirilir.

Sevinc Əliyeva
Ordu.az