Ordu.az xəbər verir ki, layihənin 2028-ci ildə başa çatdırılması hədəflənir.

Hazırkı L-SAM sistemindən fərqli olaraq, L-SAM-II stratosferdən kənarda, yəni 180 kilometr yüksəkliyə qədər olan raketləri məhv edə biləcək. Bu, əvvəlki sistemlərə nisbətən daha erkən və daha effektiv müdaxilə imkanları təmin edəcək.

Sistem Cənubi Koreyanın çoxtəbəqəli hava və raketdən müdafiə strategiyasının “yuxarı təbəqəsi” kimi yerləşdirilir.

L-SAM-II qabaqcıl radar texnologiyaları və mobil buraxılış platformaları ilə təchiz olunaraq, böyük bir ərazini qoruya biləcək. Bundan əlavə, DACS adlı yönləndirmə sistemi sayəsində aşağı sıxlıqlı atmosferdə kiçik raket gücləndiriciləri ilə dəqiq manevrlər edə biləcək.

“Hanwha Aerospace” rəsmiləri bildirirlər ki, proqram Cənubi Koreyanın müdafiə qabiliyyətini artırmaqla yanaşı, beynəlxalq bazarlarda rəqabət qabiliyyətini də artıracaq. Mövcud L-SAM sistemi xarici ölkələrin diqqətini çəkib və L-SAM-II ilə bu marağın artması gözlənilir.

Sevinc Əliyeva
Ordu.az