Ordu.az xəbər verir ki, Yunanıstan Silahlı Qüvvələri Trakiyanın Petroçori bölgəsindəki atış və manevr sahəsində çoxmillətli ssenari ilə zənginləşdirilmiş hərtərəfli Tətbiqi Atəş Manevri Təlimi (TAMS) həyata keçirib.
Təlimdə müxtəlif bölmələrinin hərbi qulluqçuları və Yunanıstan Hərbi Hava Qüvvələrinin F-16 döyüş təyyarələri iştirak edib.
Təlimin son mərhələsində hücum helikopterlərinin dəstəyi ilə zirehli bölmələrin müdafiə ssenariləri həyata keçirilib.
Daha sonra əks-hücum və hava-desant əməliyyatları həyata keçirilərkən, eyni zamanda PUA-ların əməliyyat imkanları, KBRN ssenariləri və şəhər müharibəsi mühitləri sınaqdan keçirilib.
“Defence Review” nəşrinin məlumatına görə, təlim NATO-nun IMMEDIATE RESPONSE 25 təlimi çərçivəsində həyata keçirilib və diqqətəlayiq innovativ texnologiyalar da sahədə sınaqdan keçirilib.
Sevinc Əliyeva
Ordu.az
