Ordu.az xəbər verir ki, bunu Londonda Kral Beynəlxalq Münasibətlər İnstitutunda çıxışı zamanı NATO-nun baş katibi Mark Rutte bildirib.

Rusiyanın Çin, Şimali Koreya və İranla birlikdə hərəkət edərək hərbi potensialını və imkanlarını artırdığını bildirən Rutte sözlərinə belə davam edib:

"Rusiya ordusunu Çin texnologiyası ilə yenidən qurur və gözlədiyimizdən çox sürətlə silah istehsal edir. Sursat baxımından Rusiya NATO-nun bir ildə istehsal etdiyini 3 ayda istehsal edir. Bu il 1500 tank, 3000 zirehli maşın və 200 "İsgəndər" raketi istehsal edəcəyi gözlənilir. Rusiya beş il ərzində NATO-ya qarşı hərbi güc tətbiq etməyə hazır ola bilər. Beş il. Özümüzü aldatmayaq, indi hamımız şərq cinahındayıq. Yeni nəsil rus raketləri səs sürətindən qat-qat yüksək sürətlə hərəkət edir. Avropa paytaxtları arasındakı məsafə indi dəqiqələrlə ölçülür. Artıq Şərq və ya Qərb yoxdur, yalnız NATO var."

Ordu.az