Ordu.az xəbər verir ki, bu barədə Türkiyə Milli Müdafiə Nazirliyinin Mətbuat və İctimaiyyətlə Əlaqələr müşaviri, nazirliyin sözçüsü Zeki Aktürk həftəlik mətbuat brifinqində bildirib.

“Yerli və milli müdafiə sənayemizin istehsal etdiyi silah və sistemlərlə Türkiyə Silahlı Qüvvələrinin fəaliyyət və çəkindirmə qabiliyyətinin artırılmasına yönəlik fəaliyyətlər davam etdirilir. Zirehli Tank Əleyhinə Vasitə (“UMTAS CİRİT/Tırtıllı”) yoxlama və qəbul prosesləri tamamlanaraq inventara daxil edilib”.

Təhvil verilən vasitə ROKETSAN tərəfindən hazırlanmış və müxtəlif platformalardan atılan CİRİT raketinin zirehli vasitələrdən də atılmasını təmin edən xüsusi bir layihə çərçivəsində istehsal edilib. Layihə ilə birlikdə L-UMTAS və UMTAS tipli tank əleyhinə raketlərin istifadəsi də nəzərdə tutulub.

Bu məqsədlə hazırlanmış YALMAN Silah Qülləsi CİRİT raketindən əlavə olaraq UMTAS və L-UMTAS raketlərinin də eyni platformadan buraxılmasına imkan verir. Sistemin sahə sınaqları Türkiyə Silahlı Qüvvələrinin əməliyyat qabiliyyətinə töhfə verməyə davam edir.

Sevinc Əliyeva
Ordu.az