Ordu.az xəbər verir ki, “Nurol Makina” Asiya-Sakit Okean bölgəsindəki varlığını gücləndirməyi hədəflədiyi bu mühüm sərgidə bir müddət əvvəl İndoneziya Polis Xüsusi Təyinatlı Qüvvələrinin (BRIMOB) inventarına daxil olan “Yörük” 4×4 zirehli avtomobilini nümayiş etdirəcək.

Dayanıqlılığı, yüksək hərəkətliliyi və müxtəlif vəzifələrə uyğun quruluşu ilə seçilən “Yörük” 4×4 beynəlxalq miqyasda özünü sübut etmiş bir platforma olaraq sərgidə diqqət mərkəzində olacaq.

Sərgi boyu şirkət öz ziyarətçiləri ilə C-130 I nömrəli stenddə görüşəcək.

“Nurol Makina” rəsmiləri avtomobilin texniki xüsusiyyətləri haqqında məlumat vermək, tətbiq nümunələrini bölüşmək və potensial əməkdaşlıqları qiymətləndirmək üçün sahədə iştirak edəcəklər.

Sərgidə “Nurol Makina”nın müxtəlif vəzifə profillərinə uyğunlaşa bilən geniş çeşidli zirehli vasitələri, xüsusilə “Yörük” 4x4 platforması haqqında məlumatlar da paylaşılacaq.

Ziyarətçilər bu vasitələrin müxtəlif əməliyyat şəraitinə necə inteqrasiya oluna biləcəyini birbaşa öyrənmək imkanı əldə edəcəklər.

Sevinc Əliyeva
Ordu.az