Ordu.az xəbər verir ki, 2025-ci il mayın 26-da Benqazidə keçirilən hərbi paradda LNA Rusiyadan aldığı “BM-30 Smerch” 300 mm-lik YARS-larını ilk dəfə ictimaiyyətə nümayiş etdirib.

“Army Recognition”un məlumatına görə, mərasim 2014-cü ildə silahlı qruplara qarşı başladılan “Əl-Kərame” əməliyyatının 11-ci ildönümünü simvolik olaraq qeyd edib.

1980-ci illərdə Sovet İttifaqı tərəfindən hazırlanan “BM-30 Smerch” sistemi MAZ-543M 8×8 yük maşını şassisinə quraşdırılmış mobil ağır artilleriya platformasıdır.

Hər biri 300 mm çapında olan 12 raketi cəmi 38 saniyəyə buraxa bilən sistem uçuş məsafəsindən asılı olaraq 90 kilometrə qədər olan hədəfləri vura bilir.

Sevinc Əliyeva
Ordu.az