Ordu.az xəbər verir ki, Türkiyə MSK sədri Türkiyənin NATO-ya təkcə strateji harmoniya ilə deyil, həm də orijinal imkanları və texnoloji yenilikləri ilə töhfə verdiyini bildirib.

Türkiyənin təhlükəsizlik arxitekturasındakı tarixi roluna diqqət çəkən Görgün qeyd edib: “Hətta NATO üzvlüyündən əvvəl Türkiyə 1815-ci il Vyana Konqresindən etibarən Avropa müdafiəsinin bir parçası olub”.

Türkiyə MSK olaraq hazırda 1100-dən çox aktiv satınalma və “Ar-Ge” proqramı həyata keçirdiklərini ifadə edən Görgün bildirib: “Proqram portfelinin ölçüsü və müxtəlifliyi baxımından biz dünyanın ən böyük müdafiə sənayesi proqram idarəedici orqanıyıq”.

Görgün Türkiyənin müdafiə sənayesindəki ixracat uğurlarına da toxunub və deyib: “Türkiyə 2024-cü ildə müdafiə və aviasiya ixracatında 7 milyard ABŞ dollarına çataraq, mühüm həddi aşdı. Bunun 55,4 faizi NATO müttəfiqləri və Ukraynaya edilib. İlk 20 ölkədən 10-nun NATO ölkəsi və Ukrayna olması Türkiyənin etibarlı və strateji tərəfdaş olduğunu açıq şəkildə göstərir”.

Sevinc Əliyeva
Ordu.az