Ordu.az xəbər verir ki, Yunanıstanın “Kathimerini” qəzeti Yunanıstanın Hindistanla daha yaxın əlaqələr qurmaq istədiyini və Yeni Dehlinin Afinadan müxtəlif səviyyələrdə dəstək almağa ümid etdiyini bildirib.

Xəbərdə Hindistanın Yunanıstanla bağlı araşdırma apardığı, böyük Hindistan şirkətlərinin Yunanıstanın hava hücumundan müdafiə sənayesi və müdafiə sistemlərinə sərmayə qoymaq istəklərini ifadə etdiyi bildirilib.

Qeyd edilib ki, Hindistanın marağı məqbuldur, çünki Avropa İttifaqı yenidən silahlanma prosesindədir və Afina artıq üçüncü ölkələrlə oxşar strateji əməkdaşlıqda irəliləyiş əldə edib. Bunun əsas nümunəsi İsrail idi.

Hindistanın özəl investisiyalar baxımından da Yunanıstanla maraqlandığı, Yunanıstandakı işçi qıtlığını doldurmaq üçün Hindistanın işçi qüvvəsi də gətirməsinin gözlənildiyi vurğulanıb.

Sevinc Əliyeva
Ordu.az