Ordu.az xəbər verir ki, döyüş meydanını insansızlaşdırmaq üçün yeni bir addım olaraq başladılan layihə ötən ilin noyabrında ölkənin cənubunda keçirilən 15-ci “Zhuhai” Aviasiya Sərgisində nümayiş olunub, lakin texniki detallar açıqlanmayıb.

Lakin ötən günlərdə sosial şəbəkələrdə yeni PUA-nın kompüter tərəfindən hazırlanmış təqdimat videosu yayımlanıb. Təəccüblü şəkildə PUA-nın onlarla PUA daşıyan bir PUA daşıyıcısı olduğu ortaya çıxıb.

Videoda verilən məlumata görə, havaya qalxarkən, çəkisi 16 ton olan bu nəhəng PUA 16 m uzunluğa, 25 m qanad açıqlığına və quyruq hissəsində 100-dən çox daha kiçik PUA üçün bölməyə malikdir.

Yeni PUA-nın 2025-ci ilin sonuna kimi Çin ordusuna qatılacağı gözlənilir.

Sevinc Əliyeva
Ordu.az