Ordu.az xəbər verir ki, bu barədə xarici KİV-lər məlumat yayıb.

“War on the Rocks”da yer alan məlumatlara görə, ABŞ ordusunun katibi Daniel Driskoll bildirib ki, tankların ən həssas nöqtələrini vura bilən ucuz PUA-ların artması zirehli birliklərin tətbiqi üsulunda əsaslı dəyişiklik tələb edəcək.

Nümunə olaraq “M1 Abrams”a istinad edən Driskoll izah edib ki, tanklar artıq ənənəvi cəbhədən hücum taktikalarına etibar edə bilməz və bunun əvəzinə daha qorunan, müdafiə mövqelərindən fəaliyyət göstərməlidir.

“Döyüş meydanındakı sensorların miqdarı, hər iki tərəfin nə baş verdiyini görmək qabiliyyəti elə bir vəziyyət yaradır ki, komandirlər tankları keçmişdə bacardıqları qədər irəli apara bilmirlər, çünki çox ucuz PUA-lar onları sıradan çıxara bilir”, - deyə o qeyd edib.

Driskoll tank taborlarını “daha lüt” (daha az avadanlıqla yüklənən, yüngül) olmağa və döyüşdə daha uzun müddət qala bilmək üçün hava təhlükələrinə məruz qalmalarını məhdudlaşdırmağa çağırıb.

PUA təhdidlərini azaltmaq üçün ordu öz zirehli bölmələrinin qarşısında PUA-lar yerləşdirməyi planlaşdırır. Bu müşayiətçilər təhlükələri müəyyən edəcək, yolu təmizləyəcək və tankları daha təhlükəsiz mövqelərə yönəldəcək.

Bu risk artıq Ukraynada özünü büruzə verir, burada Rusiyanın FPV tipli PUA-ları ABŞ-nin tədarük etdiyi “Abrams” tank parkı üçün ciddi problemlər yaradır.

Ukraynalı komandir əlavə zireh və radioelektron əks-tədbirlərə baxmayaraq, parkın daimi PUA hücumu təhlükəsi altında əhəmiyyətli itkilər verdiyini bildirib.

PUA-lardan istifadə konsepsiyası daha geniş ABŞ Kooperativ Döyüş Təyyarəsi proqramına əsaslanır, bu proqramda PUA-ların hədəflmə məlumatlarını bölüşmək, riskləri udmaq və lazım olduqda zərbə vurmaq üçün idarə olunan sistemlərlə yanaşı uçması nəzərdə tutulur.

Sevinc Əliyeva
Ordu.az