Ordu.az xəbər verir ki, bu barədə “Exilenova+” teleqram kanalının yayımladığı peyk görüntülərində məlumat əks olunub.

“Volna Kupol Garant” sistemi bir neçə qoşqu üzərində quraşdırılmış peyk antenlərindən ibarətdir.

Kompleks müəyyən “Starlink” peykinə qarşı güclü maneə siqnalları yaradır və bununla da yerüstü terminallarla rabitəni kəsir. Yayımlanan görüntülərdə yanaraq sıradan çıxmış qurğuların yerləşdiyi mövqelər görünür. Bildirilir ki, zərbələrdən sonra qoşquların əksəriyyəti ərazidən çıxarılıb.

Bir radioelektron mübarizə kompleksi təxminən 20 kvadrat kilometr ərazini əhatə edə bilir. “Volna Kupol Garant” 14-14,5 GHz tezlik diapazonunda fəaliyyət göstərir. Bununla belə, sistemin ciddi çatışmazlıqları da mövcuddur.

“SpaceX” şirkəti rabitə kanallarında yaranan maneələri sürətlə aşkar edə bilir. Eyni zamanda tərəfdaş ölkələrin radioelektron kəşfiyyat peykləri sistemin yaratdığı güclü siqnalları müəyyənləşdirərək onun yerini aşkarlaya bilir.

Bu da Ukrayna Müdafiə Qüvvələrinə belə sistemləri qısa müddətdə tapmağa və PUA-larla vurmağa imkan verir. Oxşar komplekslər daha əvvəl Ukraynanın 422-ci İnsansız Sistemlər Alayı və Ukrayna Təhlükəsizlik Xidmətinin “A” Xüsusi Əməliyyatlar Mərkəzi tərəfindən də məhv edilib.

Sistemin istehsalçısı olan “Russian Dome” şirkəti texniki xüsusiyyətləri açıqlamasa da, bir kompleksin dəyərinin təxminən 150 milyon rubl olduğu bildirilir.


Sevinc Əliyeva
Ordu.az