Ordu.az xəbər verir ki, bunu İstanbulda keçirilən brifinqdə Rusiya Prezidentinin köməkçisi Vladimir Medinski bildirib.

Onun sözlərinə görə, Rusiya bu danışıqları "təəssüf ki, üç il əvvəl Ukrayna tərəfinin dayandırdığı" İstanbul sülh prosesinin davamı kimi qiymətləndirir.

"Bizim rəsmi nümayəndə heyətimiz prezidentin sərəncamı ilə təsdiq edilib və danışıqlar aparmaq üçün bütün lazımi səlahiyyətlərə malikdir. Rusiya nümayəndə heyəti konstruktiv əhval-ruhiyyədədir, mümkün həll yolları və ortaq nöqtələrin axtarışına köklənib", - Medinski deyib.

Qeyd edək ki, Medinski İstanbulda Ukrayna ilə danışıqlarda Rusiya nümayəndə heyətinə rəhbərlik edir.

Ordu.az