Ordu.az xəbər verir ki, ABŞ HHQ-nin Baş Qərargah rəisi general Devid Ellvin “X” hesabında etdiyi bir paylaşımda F-47-nin 1000+ dəniz mili (1852+ kilometr) döyüş radiusuna malik olacağını təsdiqləyib.
Bu məsafə F-22 və F-35 kimi 5-ci nəsil təyyarələrə nisbətən əhəmiyyətli irəliləyişdir, eyni zamanda “Boeing” tərəfindən inkişaf etdirilən F-47-nin uzun mənzilli missiyalar üçün optimallaşdırıldığını göstərir.
Xüsusilə, düşmənin hava hücumundan müdafiə zonalarına (A2/AD) dərindən nüfuz etmə qabiliyyəti F-47-nin ən müəyyənedici xüsusiyyətlərindən biri kimi önə çıxır.
Paylaşılan infoqrafikada F-47-nin “Stealth++” texnologiyası ilə təchiz ediləcəyi bildirilib. Buraya F-22-nin “Stealth+” və F-35-in “Stealth” səviyyələrindən yuxarı olan genişdiapazonlu, hərtərəfli şəbəkədə aşağı radara görünmə sahəsi və əhəmiyyətli dərəcədə azaldılmış infraqırmızı iz kimi qabaqcıl gizli texnologiyalar daxildir.
Sevinc Əliyeva
Ordu.az
