Ordu.az xəbər verir ki, “Feindef 2025” sərgisində 30-a yaxın Türkiyə şirkəti iştirak edib.

Türkiyə müdafiə sənayesi quru, dəniz, hava və elektron sistemləri əhatə edən geniş məhsul çeşidi ilə gücünü bir daha sübut edib.

Rusiyanın Ukraynaya müdaxiləsi, Yaxın Şərqdəki qeyri-sabitlik və Donald Trampın NATO ilə bağlı mesajları ilə Avropa İttifaqı yumşaq gücün sərhədlərini görüb.

Brüssel öz üzvlərini strateji muxtariyyət və müdafiə qabiliyyətini artırmaq üçün səfərbər edib. Bu çağırış İspaniyadakı müdafiə şirkətlərinə istehsal gücünü sürətlə artırmaq üçün təzyiq göstərib.

Sərgi dörd zalda və 66.000 m² sahədə keçirilir. 400 İspaniya şirkəti ilə yanaşı, 200 xarici şirkət də iştirak edib. 57 ölkədən hərbi və mülki nümayəndə heyətlərinin iştirakı gözlənilir. Bundan əlavə, 6000 m²-lik yeni tematik qruplaşdırılmış statik sərgi sahəsi təşkilata yenilik əlavə etdi. 100-dən çox media təşkilatı akkreditasiyadan keçib və 35 000 peşəkarın iştirakı gözlənilir.

İnvestisiyalarla böyüyən İspaniya müdafiə sənayesi struktur problemlərlə üzləşir. Müdafiə Nazirliyi tərəfindən elan edilmiş 20-dən çox yeni Xüsusi Modernləşdirmə Proqramı (PEM) kiçik və orta biznes üçün həm ümid, həm də qeyri-müəyyənlik yaradır. Sektor bu proqramları bir neçə ay ərzində həyata keçirmək üçün təzyiq altındadır.

Türkiyənin TUSAŞ şirkəti “Hürjet” Təlim və Yüngül Hücum Təyyarəsinin tam miqyaslı maket modelini statik sahədə (Zal 4, E11A) İspaniya Hərbi Hava Qüvvələrinin rəngləri ilə nümayiş etdirib.

Türkiyə 30-a yaxın şirkətlə “Feindef 2025”də ən böyük beynəlxalq stendlərdən birini təşkil edib. Türkiyə müdafiə sənayesinin geniş çeşiddə təmsil olunduğu sərgidə şirkətlər quru, dəniz, hava və elektron sistemlər sahəsində məhsullarını nümayiş etdiriblər.

Sevinc Əliyeva
Ordu.az