Ordu.az xəbər verir ki, bu barədə "Army Recognition" məlumat yayıb.
Məlumata görə, Qırğızıstan HHM-i Rusiya sistemləri ilə gücləndirəcək.
Bu çərçivədə "Telegram"da paylaşılan videoda yaxın günlərdə keçiriləcək rəsmi Zəfər Bayramı mərasimi öncəsi məşq zamanı Rusiyanın S-300PS və "Tor-M2KM" HHM sistemləri görünüb. Videoda Belarusdan alınıb modernləşdirilən "S-125-2BM Peçora" HHM sistemi də əks olunub.
Bu addım Qırğızıstan və Rusiya arasında 2023-cü il müdafiə sazişi ilə sıx bağlı kimi şərh edilir. İki ölkə arasında imzalanan bu saziş Kollektiv Təhlükəsizlik Müqaviləsi Təşkilatının (KTMT) himayəsi altında birgə regional HHM sisteminin yaradılmasını nəzərdə tutur.
Bu strateji çərçivə artan beynəlxalq rəqabət şəraitində geosiyasi əhəmiyyəti getdikcə daha çox tanınan bir bölgə olan Türküstan bölgəsinin inteqrasiya olunmuş hava məkanı təhlükəsizliyi arxitekturasını inkişaf etdirmək məqsədi daşıyır.
Sevinc Əliyeva
Ordu.az
