Ordu.az xəbər verir ki, Samsun Valiliyinin verdiyi açıqlamada Türkiyənin müdafiə sənayesinin dünya markası olan MKE AŞ-nin Samsuna sərmayə qoyacağı bildirilib.
“MKE AŞ-nin Samsunda müdafiə sənayesi istehsal mərkəzinə çevirəcəyi yeni obyekt şəhərimizə və millətimizə xeyirli olsun. “Makine ve Kimya Endüstrisi AŞ” Milli Müdafiə Nazirliyimizə təhvil verilən “Çarşamba Şeker” Zavodunda 2 milyard lirə sərmayə ilə Türkiyə Silahlı Qüvvələrimizin ehtiyac duyduğu strateji məhsulları yerli imkanlarla istehsal edəcək”, - deyə açıqlamada qeyd olunub.
Açıqlamada Samsunun MKE AŞ-nin yeni sərmayəsi ilə məşğulluq və ixracata diqqət yetirərək böyüyəcəyi vurğulanıb.
Sevinc Əliyeva
Ordu.az
