Ordu.az xəbər verir ki, Görgün NATO-nun Brüsseldəki qərargahında NATO-nun Baş katibi Mark Rutte ilə görüşündən sonra jurnalistlərə açıqlama verib.
Rutte və digər yüksək səviyyəli NATO rəsmiləri ilə görüşlər keçirdiyini bildirən Görgün səfərin Ruttenin noyabr ayında TUSAŞ-yə səfəri əsasında qurulduğunu xatırladıb.
“NATO-nun Baş katibi Rutte ilə çox məhsuldar görüşümüz oldu. Türkiyədə müdafiə sənayesinin inkişafı, dinamizmi, müxtəlifliyi və geniş spektri haqqında danışdıq. Türkiyənin NATO-ya verdiyi töhfələri və dəstəyi xüsusilə sənayeləşmə və tədarük zəncirinin təhlükəsizliyi baxımından müttəfiqlik ruhu çərçivəsində qiymətləndirdik”, - deyə o qeyd edib.
Görgün Ruttenin xüsusilə Türkiyə səfərindən sonra ölkənin müdafiə sənayesinin inkişafını yaxından izlədiyini bildirib.
Sevinc Əliyeva
Ordu.az
