Ordu.az xəbər verir ki, bu ziyarət Türkiyə və Monqolustan arasında müdafiə və aviasiya sənayesində əməkdaşlıq imkanlarının gücləndirilməsi istiqamətində mühüm addım hesab edilib.

Demiroğlu bildirib ki, şirkət turu zamanı TUSAŞ-ın yerli və milli məhsullarını, müdafiə sənayesindəki innovativ texnologiyalarını və gələcək layihələri prezident Xurelsuxa təqdim ediblər.

“Müdafiə sənayesindəki son yenilikləri çatdıraraq, əməkdaşlıq imkanlarını qiymətləndirmək şansımız oldu”, - deyə o qeyd edib.

Ziyarət zamanı TUSAŞ-ın xüsusilə aviasiya sahəsində həyata keçirdiyi layihələr, müdafiə sənayesi sahəsində Monqolustan ilə birgə iş potensialı müzakirə edilib.

İki ölkə arasındakı bu təmasların müdafiə texnologiyalarında yeni qapılar açacağı gözlənilir.

Sevinc Əliyeva
Ordu.az