TUSAŞ “Anka-S”i 2025-ci ilin oktyabr ayına qədər İndoneziyaya təhvil verməyi planlaşdırır

2025/01/1736326284.jpg
Oxunub: 603     17:45     08 Yanvar 2025    
İndoneziya Hərbi Hava Qüvvələri (HHQ) “Anka-S” Pilotsuz Uçuş Aparatlarını (PUA) TUSAŞ-dan təhvil alacaq və onları CH-4-ü əvəz etmək üçün Natunadakı “Raden Sadjad” aviabazasında yerləşən 52-ci Hava Eskadrilyasında yerləşdirəcək.

Ordu.az xəbər verir ki, İndoneziya HHQ görmə xəttindən kənar mənzilli (BVR) hava döyüşü imkanlarını təkmilləşdirmək üçün PUA-lara sərmayə qoyur.

Aprelin 22-də İndoneziya HHQ-nin 78-ci ildönümü qeyd etmələri zamanı HHQ-nin rəhbəri aviasiya marşalı Məhəmməd Tonni Harcono bəyan edib ki, İndoneziyanın hədəfi Türkiyənin PUA-lardan istifadə edərək, hava döyüşünə rəhbərlik etməyi hədəfləyən, inkişaf edən texno-hərbi konsepsiyasına uyğundur.

“PUA-lar görmə xəttindən kənar və ya uzun mənzilli hava döyüşlərini asanlaşdırmaq üçün peyk texnologiyasından istifadə edəcək”, - deyə o qeyd edib.

Məlumata görə, TUSAŞ “Anka-S”i 2025-ci ilin oktyabr ayına qədər İndoneziyaya təhvil verməyi planlaşdırır.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: TUSAŞ   Anka-S  


Bizi "telegram"da izləyin