Ordu.az xəbər verir ki, İndoneziyanın müdafiə naziri Scafri Scamsoeddin paytaxt Cakartada bu ölkəyə rəsmi səfərə gələn Yaponiya müdafiə naziri Nakatani Gen ilə görüşüb.

İndoneziya Müdafiə Nazirliyinin sözçüsü Freqa Venas bildirib ki, görüş zamanı iki nazir müdafiə sahəsində əməkdaşlığı artırmaq, o cümlədən müştərək dəniz vasitələrinin yaradılması üzrə danışıqları bərpa etmək barədə qərar qəbul ediblər.

Ortaq istehsalın hansı sahələrdə həyata keçiriləcəyi və hansı avadanlıqların yer alacağı kimi detalların dəqiqləşdirilməsinin lazım olduğunu bildirən Venas hər iki nazirin müdafiə sahəsində əməkdaşlığın artmasından məmnun olduğunu vurğulayıb.

Yaponiya hökuməti “Mogami” sinfinin dizaynı əsasında freqatların birgə istehsalını təklif edir. İndoneziya prezidenti Prabovo Subianto da müdafiə naziri olarkən, bu dizaynla maraqlanırdı.

Sevinc Əliyeva
Ordu.az