Ordu.az xəbər verir ki, “K-AI Pilot” kimi tanınan SZ təşəbbüsü 2026-cı ilə qədər avtonom uçuş imkanlarını araşdırmaq üçün FA-50 yüngül döyüş təyyarəsindən istifadə etməyi hədəfləyir.

Məlumata görə, bu tarixdən sonra diqqət “yarımavtonom” formasiya uçuşlarına və döyüş manevrlərinə keçəcək.

Cənubi Koreya Müdafiə Nazirliyinin məlumatına görə, layihənin bu mərhələsinin 2028-ci ilin noyabrına kimi fəaliyyətə keçməsi gözlənilir.

“K-AI Pilot” SZ texnologiyasını Cənubi Koreyanın mövcud döyüş təyyarələri və F-15 kimi ABŞ istehsalı olan potensial təyyarələr də daxil olmaqla, müxtəlif platformalara inteqrasiya etmək üçün daha geniş strategiyanın bir hissəsidir.

Sevinc Əliyeva
Ordu.az