Minaatan sursatları daşıyan “Boyga” daim vəzifə başındadır - VİDEO
Oxunub: 856
19:16
28 Dekabr 2024
Türkiyənin STM şirkəti sosial mediada bir video paylaşaraq, terrorla mübarizədə aktiv rol oynayan, minaatan sursatları daşıyan kvadrokopter tipli Pilotsuz Uçuş Aparatı (PUA) “Boyga”nın daim vəzifə başında olduğunu açıqlayıb.
Ordu.az xəbər verir ki, STM “Boyga”nın dəqiq zərbə qabiliyyəti, orijinal proqram təminatı və milli texnologiyaları ilə vətənin müdafiəsində daim xidmətdə olduğunu qeyd edib.
Türkiyə Müdafiə Sənayesi Komitəsinin koordinasiyası ilə həyata keçirilən “Boyga” layihəsi ilk dəfə 15-ci Beynəlxalq Müdafiə Sənayesi Sərgisində (IDEF-21) təqdim edilib.
“Boyga” PUA-sı 2021-ci ilin sentyabrında STM və MKE arasında əməkdaşlıq çərçivəsində ilk atış sınağını uğurla həyata keçirib.
2022-ci ilin iyun ayında qəbul sınaqlarını uğurla tamamlayan “Boyga” Türkiyə təhlükəsizlik qüvvələrinə təhvil verilib.
İlk ixracı da həyata keçirilən “Boyga” bir Afrika ölkəsində xidmət göstərəcək.
