Polşanın F-35A döyüş təyyarələri təhvil verilməyə başlayıb

2024/12/1735195511.jpg
Oxunub: 538     13:34     28 Dekabr 2024    
Polşa Hərbi Hava Qüvvələrinə (HHQ) məxsus ilk 2 F-35A döyüş təyyarəsi Arkanzas ştatının Fort Smit şəhərindəki “Ebbing” Hava Milli Qvardiya Bazasına gəlib.

Ordu.az xəbər verir ki, bu barədə Polşa Müdafiə Nazirliyi məlumat yayıb.

2025-ci ilin yanvar ayında bu təyyarələrlə ilk uçuşlarını edəcəkləri gözlənilən Polşa pilotları üçün təlim proqramının başladığı açıqlanıb.

Polşanın 8 F-35A təyyarəsi “Ebbing” Hava Milli Qvardiya Bazasında yerləşdiriləcək və burada Polşa HHQ-nin ümumi təlim proqramına daxil ediləcək.

“Ebbing” Hava Milli Qvardiya Bazasındakı təlim proqramının 2027-ci ilə qədər 24 Polşa pilotu və 92 texniki işçisi hazırlaması gözlənilir. Pilotlar təlimatçı kimi ixtisaslaşacaq və Polşada əlavə təhsil ala biləcəklər.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Polşa   F-35A  


Bizi "telegram"da izləyin