ABŞ nüvə komandanlığına nəzarət və rabitə təyyarələrini yeniləyir

2024/12/1734942858.jpg
Oxunub: 455     12:03     17 Yanvar 2025    
ABŞ Hərbi Dəniz Qüvvələri (HDQ) “Take Charge And Move Out” (TACAMO) missiyası çərçivəsində müdafiə sənayesinin aparıcı şirkətlərindən olan “Northrop Grumman” ilə nüvə komandanlığı, nəzarət və rabitə (NC3) təyyarələri üçün 3,5 milyard dollarlıq müqavilə imzalayıb.

Ordu.az xəbər verir ki, müqaviləyə tabe olan sistem ABŞ-nin xüsusilə nüvə müharibəsi kimi kritik vəziyyətlərdə strateji nüvə sistemləri arasında əlaqəni koordinasiyalı şəkildə idarə etməsini təmin etmək üçün nəzərdə tutulub.

Daha əvvəl “Boeing” tərəfindən istehsal edilən E6B “Mercury” təyyarəsinə inteqrasiya edilən sistem yeni müqaviləyə uyğun olaraq “Lockheed Martin” tərəfindən istehsal olunan E-130J təyyarəsinə quraşdırılacaq.

TACAMO missiyası ilə strateji çəkindirmə gücünü artırmağı və yeni nəsil nüvə sistemlərinə uyğun rabitə şəbəkəsi qurmağı planlaşdıran ABŞ HDQ mümkün bir əməliyyatda hava qüvvələri ilə fasiləsiz əlaqəni təmin etməyi hədəfləyir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   HDQ   TACAMO  


Bizi "telegram"da izləyin