Ordu.az xəbər verir ki, Hökumət Hesabatlılığı İdarəsi (GAO) ABŞ HDQ-nin “Ticonderoga” sinfinə məxsus idarə olunan raket kreyserlərinin modernləşdirilməsi prosesində qeyri-adekvat planlaşdırma və idarəetmə səbəbindən ciddi maliyyə itkisi olduğunu açıqlayıb.
Hazırlanan hesabatda bu layihəyə ayrılan 3,7 milyard dolların təxminən yarısının boş yerə xərcləndiyi bildirilib.
2015-ci ildə Konqresin təzyiqi altında HDQ daha 5 il xidmət göstərmək üçün köhnəlmiş “Ticonderoga” kreyserlərini yenidən təchiz etmək addımı atıb. Ancaq layihə GAO hesabatında qeyd olunan ciddi planlaşdırma çatışmazlıqları və qeyri-ardıcıl idarəetmə səbəbindən uğursuz olub.
Məlumata görə, uğursuzluq səbəbindən 1,84 milyard dollar israf edilib.
Sevinc Əliyeva
Ordu.az
