Ordu.az xəbər verir ki, Fransa Müdafiə Nazirliyinin Beynəlxalq Əlaqələr və Strategiya Baş İdarəsi (DGRIS) tərəfindən iyul ayında yaradılan, lakin oktyabr ayında ictimaiyyətə açıqlanan 65 səhifəlik “Türkiyənin PUA Sənayesi” hesabatının Paris və Ankara arasında diplomatik gərginliyə səbəb olduğu bildirilib.
Məlumata görə, PUA istehsalında strateji obyektlərin peyk fotoşəkillərinin analizinin ictimaiyyətə açıqlanmasından narahat olan Türkiyə Milli Müdafiə Nazirliyi Fransa səfirliyindən açıqlama və araşdırmanın geri çəkilməsini istəyib.
Bu çərçivədə Fransa səfirliyinin Türkiyə Milli Müdafiə Nazirliyinin tələblərini Parisə çatdırdığı bildirilib.
Diplomat Alisa Rufonun rəhbərlik etdiyi DGRIS rəhbərliyi hələlik dərc olunmuş hesabatı yayımda saxladıqlarını açıqlayıb.
Sevinc Əliyeva
Ordu.az
