Ordu.az xəbər verir ki, son həftələrdə ABŞ Konqresində keçirilən dinləmələrdə hökumət rəsmiləri və keçmiş hərbi qulluqçular yerdən kənar kəşfiyyat və naməlum uçan obyektlərlə bağlı iddiaları müzakirə ediblər.
Toplantıda UFO və UAP hadisələrinin ictimaiyyətdən gizlədildiyi və bu vəziyyətin milli təhlükəsizlik üçün risk yaratdığı iddia edilib.
Ortaya çıxan yeni görüntülər UFO müşahidələri ilə bağlı yeni müzakirələrə səbəb olub.
ABŞ ordusunun UFO müşahidələrinə aid olduğu iddia edilən görüntülər anonim mənbə onları elektron poçt vasitəsilə internetə sızdırdıqdan sonra üzə çıxıb.
Görüntülərə ABŞ-nin çox məxfi “Immaculate Constellation” UFO məlumat toplama proqramına aid olduğu iddia edilən müxtəlif uçan vasitələr daxildir.
Qara-ağ fotoşəkillərin hərbi “heads-up display”lər və termal kameralarla çəkildiyi, lakin təhlükəsizlik baxımından bəzi detalların yenidən sıralandığı bildirilir.
Sevinc Əliyeva
Ordu.az
