Ordu.az xəbər verir ki, Atlantik okeanı üzərində Britaniya hərbi poliqonunda həyata keçirilən sınaqda “Meteor” raketi “Eurofighter Typhoon” vasitəsilə sınaqdan keçirilib.

Almaniya “Eurofighter”ları bu sınaq üçün Şotlandiyadakı RAF “Lossiemouth” bazasından müvəqqəti olaraq havaya qalxıb. Almaniyanın bu miqyasda sınaq aparmaq imkanı olmadığından sınaq üçün Britaniya infrastrukturundan istifadə edilib.

Daha öncə 2021-ci ilin yayında “Meteor” raketi ilə həyata keçirilən uçuş sınaqları yalnız raketin sistem inteqrasiyasını və performansını qiymətləndirib. Bu dəfə real atış icra edilib və raketin əməliyyat imkanları təsdiqlənib.

Sevinc Əliyeva
Ordu.az