Ordu.az xəbər verir ki, bu barədə ABŞ-nin “Wall Street Journal” (WSJ) qəzeti məlumat yayıb.

WSJ yazır ki, kiçik kompüterlər tərəfindən idarə olunan bu Pilotsuz Uçuş Aparatları (PUA) Rusiya ordusunun istifadə etdiyi siqnal pozucu sistemlərə qarşı həll yolu olaraq görülür.

Ukraynadakı PUA istehsalçıları ilə yanaşı, ABŞ-nin “Auterion” şirkəti də “qatil robotlar” adlanan PUA-ların istehsalını sürətləndirib.

WSJ-nin məlumatına görə, “Auterion” bu PUA-ların idarə olunduğu “Skynode” adlı on minlərlə kompüter istehsal edəcək.

Ukraynanın PUA şirkəti “Vyriy Drone” da proqram təminatı ilə uyğun işləyəcək minlərlə PUA-nın hazırlanacağını açıqlayıb. “Qatil robotlar”ın 2025-ci ilin əvvəlində cəbhə xəttində aktiv olacağı gözlənilir.

Sevinc Əliyeva
Ordu.az