Bu barədə Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın onuncu görüşünün yekunları üzrə mətbuata açıqlamada bildirilib.

Məlum olduğu kimi, bu mövzu Şahin Mustafayev və Qriqoryanın kurasiyasındadır. Onlar Azərbaycan və Ermənistanda yolların blokdan çıxarılması məsələləri üzrə yaradılmış işçi qrupların rəhbərləridir. Bundan əlavə, əvvəldən bu, Rusiya Baş nazirinin müavini Aleksey Overçukun iştirakı ilə üçtərəfli idi, lakin görünən odur ki, üçtərəfli format uzun müddətdir ən azından formal mənada işləmir. Halbuki Overçuk müntəzəm olaraq Ermənistan və Azərbaycan tərəfləri ilə əlaqə saxlayır, sentyabrda isə Ermənistana səfər edib.

Lakin bu halda sərhəddə baş tutan görüş Ermənistanın xarici işlər naziri Ararat Mirzoyanın bir gün əvvəl parlamentdə verdiyi bəyanat fonunda diqqət çəkir. O bildirib ki, İrəvan Bakıya yolların blokdan çıxarılması ilə bağlı təklif göndərib və “yarımrəsmi alqışlama” alıb. O, yarırəsmi alqışlamanın nə olduğunu açıqlamayıb, lakin bundan bir gün sonra Baş nazir müavinlərinin görüşü keçirilir və burada kommunikasiya məsələsi də müzakirə olunur.

İrəvanın konkret olaraq hansı təklifi irəli sürdüyü məlum olmadığı kimi, görüşdən detallar da məlum deyil. Mirzoyanın parlamentdəki bəyanatı faktiki olaraq 10 Noyabr bəyanatının 9-cu müddəasına ziddir. Əgər Azərbaycan bunu alqışlaya bilərsə, onda niyə əvvəllər bu, alqışlanan deyildi? Habelə indi ən azından yarımrəsmi şəkildə alqışlanan olması üçün nə dəyişib?

Bunlar bizim ancaq təxmin edə biləcəyimiz suallardır, çünki dəqiq məlumat yoxdur, müxtəlif motiv və ideyalara malik güc mərkəzləri qıtlığı isə yoxdur. Yəni heç bir şübhə yoxdur ki, burada məsələnin həlli təkcə Azərbaycan və Ermənistan arasında razılaşmanı deyil, həm də Qafqaz kommunikasiyaları uğrunda mübarizə aparan qüvvələr arasında razılaşmanı və ya ən azından onlardan hər hansı birinin, yaxud bir qrupun üstünlüyünü nəzərdə tutmalıdır.

Aqil Məmmədov
Ordu.az