Gürcüstan və Ermənistana səfər edən Zeya bildirib ki, bu, sevindirici xəbərdir və bu, Ermənistan-ABŞ münasibətlərinin strateji tərəfdaşlığın yeni mərhələsinə qədəm qoyduğunu göstərir. ABŞ ordusunun nümayəndəsi Ermənistan Müdafiə Nazirliyində nə edəcək?

Məsələn, həmin nümayəndə ABŞ-nin Ermənistandakı hərbi attaşesindən nə ilə fərqlənəcək? Həmin nümayəndə hansı məsələlərlə məşğul olacaq, hansı səlahiyyət və öhdəliklər sistemi işləyəcək? Həmin nümayəndə Pentaqondan, yoxsa məsələn, Ermənistan Müdafiə Nazirliyinin iyirmi ildən artıqdır əməkdaşlıq etdiyi Kanzas Milli Qvardiyasından olacaq?

Eyni zamanda, maraqlıdır ki, ABŞ nümayəndəsinin Ermənistan Müdafiə Nazirliyində olması hansı hüquqi müqavilə əsasında təsdiqlənəcək, bu mövcudluq uzaqdan, məsələn, ABŞ səfirliyindən olacaq, yoxsa ABŞ nümayəndəsinin Ermənistan Müdafiə Nazirliyinin binasında öz yeri olacaq? Ermənistan-ABŞ müdafiə əməkdaşlığı belə bir nümayəndə olmadan mümkün deyildi? Bu, dövlətlərarası münasibətlərdə adi bir təcrübə deyil.

Bu nümayəndə halı Vaşinqtonun inamsızlığı ilə bağlıdır və bu nümayəndə, belə demək mümkündürsə, de-fakto nəzarətçi olacaq? Suallar çoxdur. Bu sualların cavabları Ermənistan Müdafiə Nazirliyində ABŞ-nin hərbi nümayəndəsinin mövcudluğunun hansı praktik mənzərəni vəd etdiyini, bunun nə dərəcədə ABŞ üçün sadəcə siyasi təsir faktoru olacağını, Ermənistan üçün ordunun silahlanması prosesinə həqiqətən də nə dərəcədə təsir edəcəyini anlamağa kömək edəcək.

Eyni zamanda, İrəvanın Ermənistanda regiondankənar aktorların olması məsələsinə ən həssas yanaşan və bu barədə mütəmadi olaraq danışan qonşusu İranla məsələni nə dərəcədə əlaqələndirdiyini və ya əsaslandırdığını anlamaq da vacibdir.

Aqil Məmmədov
Ordu.az