İsveçrə prezidenti Viola Amherdin sözlərinə görə, 160 ölkənin və beynəlxalq təşkilatların nümayəndələrinə dəvət göndərilib. O, xüsusi olaraq vurğulayıb ki, konfransa Çin, Hindistan, Braziliya və Cənubi Afrika Respublikası, habelə Roma Papası Fransisk dəvət olunub.

Rusiyanın xarici işlər naziri Sergey Lavrov İsveçrənin təşəbbüsünü “mütləq çıxılmaz nöqtə” kimi qiymətləndirib. O, Rusiyanın “Zelenskinin nizamlanma prinsiplərinə həsr olunmuş” heç bir formatda müzakirələrdə iştirak etməyəcəyini bildirib. Lavrov qeyd edib ki, Rusiya faktlara əsaslanan danışıqlara açıqdır. İtaliyanın “Larepublica” nəşrinin şərhçisinin sözlərinə görə, NATO Rusiya ilə iki “qırmızı xətt” üzrə razılığa gəlib: Belarus müharibədə iştirak etməyəcək, Rusiya Baltikyanı ölkələrə hücum etməyəcək.

Moskva faktiki olaraq Kiyevə mövcud təmas xəttində atəşkəs rejiminin yaradılmasına razılıq verməyi təklif edir. Türkiyənin “Anadolu” nəşrinin şərhçisi hesab edir ki, ABŞ-nin Ukraynaya ayırdığı hərbi yardım yeni Ukrayna ərazilərinin itirilməsinin qarşısını ala bilər, lakin bu, cəbhədə irəliləyişə nail olmaq üçün kifayət etmir. Görünür, bunu o mənada başa düşmək lazımdır ki, hətta Vaşinqton mövcud reallıqlarla Rusiya-Ukrayna atəşkəs rejiminin yaradılması ilə razılaşacaq. Çünki o həm də əlavə edir ki, ABŞ artıq əsas alacağa malikdir: hərbi-sənaye kompleksi yenilənir.

İsveçrədə təşkil olunan konfransda hansı ölkələr və hansı səviyyədə iştirak edəcək? Rusiyanın xarici işlər naziri bildirib ki, Qlobal Cənubun “bir sıra tərəfdaşları” Rusiyanın iştirakı olmadan istənilən müzakirənin səmərəsizliyini izah etmək üçün Moskvaya iştirakını əsaslandırıb. ABŞ mətbuatında prezident Baydenin Rusiya-Ukrayna və İsrail-Fələstin böhranlarında “effektiv həll yoluna” nail ola bilməsə, namizədliyini irəli sürməyəcəyi və demokratların Mişel Obama vasitəsilə mübarizəyə daxil olacağı ilə bağlı məlumatlar yayılıb.

Bu kontekstdə Gürcüstanın daxili siyasi qeyri-müəyyənliyi region üçün açıq çağırışdır. Faktiki olaraq “Gürcü Arzusu” partiyası Gürcüstanı ABŞ və Avropa İttifaqından uzaqlaşdıran bir yol seçib.

Əgər Qərb NATO timsalında Ukraynada Rusiya ilə “qırmızı xətlər” haqqında razılığa gəlibsə, onun Cənubi Qafqazda Rusiya ilə “ayırıcı xətti” nədir? Bəs Gürcüstan Rusiyaya “təslim olsa”, necə olacaq? Qərb Gürcüstan üzərindəki oyunlarına son qoyacaq?

Firuz Bağırov
Ordu.az