Ordu.az xəbər verir ki, açılış mərasimində şəhidin ailə üzvləri, Salyan Rayon İcra Hakimiyyətinin rəsmiləri, hərbçilər və ictimaiyyətin nümayəndələri işitirak ediblər.


Mərasimdə H.Balıyevin qısa, lakin şərəfli, qəhrəmanlıqla dolu həyatından söz açılıb. Onun işğal altında olan torpaqlarımızın azad edilməsində göstərdiyi qəhrəmanlığın gələcək nəsillərə nümunə olacağı xüsusi vurğulanıb.

Sonra şagirdlər Vətənə, qəhrəmanlığa aid şeirlər söyləyiblər.


Sonda şəhidin məzarı ziyarət olunub, məzarın üzərinə gül dəstələri düzülüb, ruhuna dualar oxunub.

Qeyd edək ki, Hüseynağa Salman oğlu Baliyev 1987-ci ildə Salyan rayonunun Stansiya yaşayış massivində doğulub. Heydər Əliyev adına məktəbin məzunu olan H.Balıyev Vətən müharibəsi başlanan gün komandiri olduğu taborun əsgərləri ilə birgə Cəbrayıl, Füzuli və Xocavənd istiqamətində gedən döyüşlərdə əsl qəhrəmanlıq göstərib. Oktyabrın 8-də Xocavəndin Hadrut qəsəbəsi uğrunda gedən döyüşlərdə şəhid olub.


Ölümündən sonra “Qarabağ” ordeni və “Vətən uğrunda” medalı ilə təltif edilib.


Ordu.az