Ordu.az xəbər verir ki, əvvəlcə hərbi hissə komandiri faktı gizlətmək məqsədilə əsgəri infeksion xəstəlik və pnevmoniya diaqnozu ilə hərbi hissənin tibb məntəqəsinə yerləşdirib. Hətta komandanlıq hadisəni ört-basdır etmək üçün koronovirus infeksiyasını bəhanə gətirərək əsgəri karantinə yerləşdirməyə cəhd göstərib.
Lakin sonradan əsgərin vəziyyəti ağırlaşdığından onu hərbi hospitala müayinəyə göndərməyə məcbur olublar.
Xəbərdə o da qeyd edilir ki, hospitalda təkrar müayinə zamanı əsgərin başından aldığı zərbələr nəticəsində gözlərinin tutulduğu müəyyən edilib.
Həkimlərin rəyi əsasında hərbi qulluqçu N.Arzaqantyan təcili olaraq İrəvana göndərilib. Hadisə ilə bağlı cinayət işi qaldırılıb, faktla bağlı araşdırma aparılır
Ordu.az
