“Azərbaycan və Ermənistan tərəfləri arasında dərin struktur ziddiyətləri saxlanılıb”, - deyə Böyük Britaniyanın “Conciliation Resources” təşkilatının Qafqaz proqramının rəhbəri Lourens Broers Münhendə Dağlıq Qarabağ münaqişəsi tərəfləri arasında baş tutmuş görüş və bundan sonra baş vermiş inkişaflara toxunarkən bildirib.

Broers Qarabağ münaqişəsi ətrafında Azərbaycan və Ermənistan liderlərinin Münhendə baş tutmuş ictimai debat faktını müsbət qiymətləndirib, lakin müzakirənin məzmunu və tərəflərin xüsusilə tarixi məsələləri ətrafında ritorikası ilə bağlı bronlamalara malik olduğunu qeyd edib.

“Bu, itirilmiş imkan idi. İki lider gələcək haqqında danışmadı və ölçülü mövqelər təqdim etmədi”, - deyə Broers bildirib.

Ekspert əmindir ki, müzakirə bir tərəfdən beynəlxalq ictimaiyyətin Qarabağ münaqişəsinə qarşı laqeyd münasibətini, digər tərəfdən münaqişə tərəflərinin problemi həll etmək istəyinin yoxluğunu vurğulayır.

Erməni siyasi təhlilçi Emil Sanamyan bu cür formatlı müzakirədə iki liderin münaqişənin sülh yolu ilə həlli ətrafında danışıqları davam etdirmək istəyini görür.

Hər iki təhlilçi eyni fikirdədir ki, vəziyyətin gərginləşməsi təhlükəsi aradan qalxmayıb, tərəflər arasında müxtəlif səviyyə və formatlarda təmaslar zəruridir.

Alpər Mövludoğlu
Ordu.az