Qarabağda ölmüş erməni hərbi qulluqçular barədə cinayət işi açılıb

2019/07/98275-1564047960.jpg
Oxunub: 11838     14:21     13 Fevral 2020    
Fevralın 12-də işğal altında olan Qarabağda 2 erməni hərbi qulluqçun ölüm hadisəsi üzrə Ermənistan Cinayət Məcəlləsinin 110-cu maddəsinin 1-ci hissənin xüsusiyyətləri ilə (intihar həddinə çatdırmaq) cinayət işləri açılıb.

Ordu.az xəbər verir ki, bu barədə Ermənistan İstintaq Komitəsinin informasiya və ictimaiyyətlə əlaqələr şöbəsi məlumat yayıb.

Komitədən verdiyi məlumata görə, 2020-ci il fevralın 12-də, saat 11:30 radələrində, “N” saylı hərbi hissənin döyüş mövqeyində döyüş növbətçiliyinə cəlb olunmuş məcburi müddətli hərbi qulluqçu, sıravi Tiqran Manvel Manvelyanın baş nahiyəsindən güllə yarası alması və hərbi hospitala aparılarkən yolda ölməsi hadisəsi üzrə Ermənistan İstintaq Komitəsinin ikinci qarnizon istintaq şöbəsində cinayət işi açılıb.

Qeyd olunur ki, ölmüş digər məcburi müddətli hərbi qulluqçu, kiçik çavuş Tiqran Husik Mxoyanın da baş nahiyəsindən güllə yarası alması və hərbi hospitala aparılarkən yolda ölməsi hadisəsi üzrə Ermənistan İstintaq Komitəsinin ikinci qarnizon istintaq şöbəsində cinayət işi açılıb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Qarabağ   Ermənistan-ordusu   Ölüm  


Bizi "telegram"da izləyin