Xələf Xələfov: "Azərbaycan-Gürcüstan sərhədinin demarkasiyası üzrə ekspert görüşü sentyabrın sonlarında keçiriləcək"

2019/07/45645-1563341218.jpg
Oxunub: 6478     11:24     13 Sentyabr 2019    
"Azərbaycan-Gürcüstan sərhədinin demarkasiyası istiqamətində proseslər davam edir. Əraziyə baxış keçirməli və müvafiq sənədləri bir daha nəzərdən keçirməli, lazım olduğu təqdirdə digər arxiv materiallarına da müraciət etməli olan ekspertlərin görüşünün birinci mərhələsi davam edir. İlk mərhələdə razılaşdırılmamış məkanların yarısını tamamlamışıq".

Ordu.az xəbər verir ki, bunu "Report"a Azərbaycan Xarici İşlər nazirinin müavini Xələf Xələfov deyib.

Diplomatın sözlərinə görə, Azərbaycan və Gürcüstan ekspertlərinin görüşünün ikinci mərhələsi sentyabrın sonlarında keçiriləcək.

"Ekspert işinin nəticələrinə əsasən, Tbilisidə keçiriləcək növbəti görüş barədə qərar verəcəyik", - Xarici İşlər nazirinin müavini bildirib.

Ordu.az

© Materiallardan istifadə edərkən hiperlinklə istinad olunmalıdır


Teqlər: Xələf-Xələfov  


Bizi "telegram"da izləyin