Ordu.az erməni KİV-lərinə istinadən xəbər verir ki, erməni diviziya komandiri 2016-cı ilin aprelindən 2019-a qədər iyul ayına qədər tabeçiliyində olan bölmələr üçün nəzərədə tutulan 19.950 litr qış dizeli və 100 litr benzini (9.538.457 dram dəyərində) mənimsəyib.

Bundan əlavə, polkovnik-leytenant onun rəhbərliyi altında olan radiolokasiya stansiyasından həyata keçirilmiş oğurluq haqqında, rəsmi mövqeyindən sui-istifadə edərək yuxarı rəhbərliyə müəyyən edilmiş qaydada məlumat verməyib və məsələ bir neçə ay sonra hüquq mühafizə orqanlarına bildirilib.

Əldə olunan kifayət qədər sübutlar əsasında polkovnik-leytenant, Ermənistan Respublikası Cinayət Məcəlləsinin 179 maddəsinin 3-cü bəndinin 1-ci punktu və 375 maddənin 1-ci bəndində nəzərdə tutulmuş cinayət əməllərini törətməkdə ittiham edilir.

Cinayət işi üzrə ibtidai istintaq davam edir.

Alpər Mövludoğlu
Ordu.az