Ordu.az erməni KİV-lərinə istinadən xəbər verir ki, Tramp Administrasiyası, 4 milyard dollarlıq xarici yardımın dondurulmasını nəzərdə tutan xarici yardımın maliyyələşdirilməsini azaltmaq fikrindən imtina edib.

Nəticədə, ABŞ-ın bu il Ermənistana nəzərdə tutduğu yardım da daxil olmaqla, 2019-cu il üçün təsdiqlənən xarici yardım proqramları maliyyələşdiriləcək.

ABŞ-ın 2020-ci ildə yardımına, o cümlədən Ermənistan və erməni proqramlarına gəldikdə, ABŞ Konqresi sentyabrda tətildən qayıtdıqdan sonra, ABŞ Senatında müzakirələr davam edəcək. Bu, Ermənistana 40 milyon dollarlıq qanun layihəsinə düzəliş və işğal altında olan Azərbaycan ərazilərində qanunsuz minatəmizləmə proqramına da aiddir.

Alpər Mövludoğlu
Ordu.az