Ordu.az xəbər verir ki, bu barədə konqresmen Koksun rəsmi səhifəsində məlumat yayılıb.

ABŞ konqresinin Nümayəndələr palatasının üzvləri Bred Şerman və Ticey Koks, demokrat və respublikaçı həmkarları tərəfindən imzalanmış, Qarabağda ərazilərin qanunsuz minalardan təmizlənməsi layihəsinin maliyyələşdirilməsini davam etdirməyə yönəlmiş məktubu ABŞ-ın beynəlxalq inkişaf agentliyi olan USAID-ə göndəriblər.

Qeyd olunur ki, məktub 2019-cu ilin sonunda işğal altında olan Qarabağda ərazilərin qanunsuz minalardan təmizlənməsi layihəsinin maliyyələşdirilməsinin dayandırılması qərarına qarşı USAID təşkilatına ünvanlanıb.

Məktubda, daha öncə Beynəlxalq inkişaf agentliyinin rəhbəri Mark Qrinin vəd etdiyi kimi “HALO Trust” təşkilatının öz missiyasını başa çatdırmaq üçün maliyyə yardımını davam etdirməyi xahiş ediblər.

Məlumata əsasən, ABŞ Konqresinin 89 üzvü “Hay Dat”ın təşəbbüsünə qoşularaq, ABŞ tərəfindən işğal altında olan Qarabağa ayrılan yardımın azaldılmasının əleyhinə çıxış ediblər.

Alpər Mövludoğlu
Ordu.az