Ordu.az erməni KİV-lərinə istinadən xəbər verir ki, dünən axşam saatlarında Gümrü şəhərində baş verən partlayış nəticəsində 44 yaşlı kişi şəhərin tibb mərkəzinə yerləşdirilib.

Məlumata görə, xəstəxanaya yerləşdirilən şəxs müxtəlif bədən xəsarətləri alıb.

Bildirilir ki, yaralanan şəxs Gümrü şəhər icra hakimiyyətinin kommunal təsərrüfat bölməsində zibil daşıyan maşının sürücüsü işləyir. Şəhərin küçələrindən birində zibil daşıma işləri həyata keçirərkən o, qumbara partlayıcısı tapıb və hüquq mühafizə orqanlarına məlumat vermək əvəzinə, partlayıcının halqasını dartaraq çıxarıb. Onun bu hərəkətindən sonra partlayış baş verib.

Hüquq mühafizə orqanları hadisənin təfərrüatını araşdırır.

Alpər Mövludoğlu
Ordu.az