Ordu.az xəbər verir ki, bu barədə Ermənistanın İstintaq Komitəsi məlumat yayıb.

Xatırladaq ki, daha öncə Ermənistan Müdafiə Nazirliyinin mətbuat katibi Artsrun Hovhannisyan “Facebook” səhfəsində yazaraq qeyd edib ki, dünən axşam Ermənistan Silahlı Qüvvələrinin hərbi hissələrindən birinin döyüş mövqeyində 2000-ci il təvəllüdlü sıravi əsgər Hamik Vardanyanın cəsədi tapılıb.

“Təəssüflə bildirməliyəm ki, dünən axşam Ermənistan Silahlı Qüvvələrinin hərbi hissələrindən birinin döyüş mövqeyində 2000-ci il təvəllüdlü sıravi əsgər Hamik Yeğiayi Vardanyanın cəsədi tapılıb. Detallar araşdırılır”, - deyə Hovhannisyan bildirib.

Erməni KİV-lərinin yaydığı məlumata əsasən, ölən hərbi qulluqçu Vardanyan İrəvan sakini olmaqla, ailənin tək övladı olub.

İyulun 20-də döyüş mövqeyinin müşahidə məntəqəsində alın nahiyyəsindən odlu silah yarası alaraq ölən hərbi qulluqçunun İrəvan şəhər Sari-Tağ məhəlləsinin sakini olduğu qeyd edilir. Bu barədə məlumat Erebuni hərbi komissarlığından bildirilib.

Komissarlığın verdiyi məlumata görə, Hamik Vardanyan cari ilin yanvar ayında hərbi xidmətə çağırılıb, 6 ayın hərbi qulluqçusu olub.

Alpər Mövludoğlu
Ordu.az