Ordu.az xarici KİV-lərə istinadən xəbər verir ki, bu barədə rəsmi açıqlama Rusiya Müdafiə Nazirliyindən bildirilib.

Qeyd olunub ki, Rusiyanın son günlərdə Aralıq dənizində hərbi genişlənmə işləri kimisə təhdid etmək və ya bənzər hər hansısa məqsəd daşımır.

“Bizim Aralıq dənizində həyata keçirdiyimiz fəaliyyətlər sadəcə Rusiyanın və onun müttəfiqlərinin təhlükəsizliyinin sığortalanması məqsədi güdür. Moskva son dövrlərdə ABŞ-ın regionda artan təhdidlərinə cavab olaraq bu addımı atmalı idi. Aralıq dənizində mövcud olan gərginliyin və Moskvanın hərbi gedişlərinin başlıca səbəbi Vaşinqtonun artan təzyiqləridir”, - deyə bəyanatda bildirilib.

Qeyd edək ki, Rusiya 25 gəminin və 30 döyüş təyyarəsinin iştirakı ilə Aralıq dənizində geniş miqyaslı təlimlərə start verib.

Dəyanət Ağalarlı
Ordu.az