Ordu.az xarici KİV-lərə istinadən xəbər verir ki, bu barədə rəsmi məlumatı yerli mənbələr yayıb.

Bildirilib ki, ordu rəhbərliyi artıq İdlibə 3 minə qədər canlı qüvvə, yüzlərlə hərbi texnika və silah-sursat toplayıb.

BMT isə bu əməliyyatlarda mülki əhalinin təhlükəsizliyinin təmin edilmədiyini və bölgənin 60 faizə qədərini əlində saxlayan “Hayat Təhrir Əş-Şam” terror qruplaşmasının əsas mövqelərinin yaşayış məntəqələri daxilində olduğunu qeyd edib.

Əsəd hökuməti isə mülki əhali üçün təhlükəsizliyin tam olaraq təmin edilmədiyi müddətcə əməliyyatlara başlanılmayacağını bildirib.

Dəyanət Ağalarlı
Ordu.az