Ordu.az xarici KİV-lərə istinadən xəbər verir ki, bu barədə rəsmi məlumatı İordaniya Daxili İşlər Nazirliyi bildirib.

Qeyd olunub ki, paytaxt Əmman yaxınlığında Solt şəhərinin Füheyis qəsəbəsində yerləşən ordu məntəqəsinə bir qrup silahlı şəxs tərəfindən hücum edilib.

Məlumata əsasən ordu qüvvələri hücumu dəf etməyə nail olsalar da, hücum zamanı 3 hərbçi həlak olub.

Məntəqədəki hərbçilərin müqaviməti nəticəsində 4 silahlı zərərsizləşdirilib. Qarşıdurma zamanı aralarında mülki vətəndaşların da olduğu 20-dən çox insan isə yaralanıb.

Qeyd edək ki, hücumu hələlik heç bir qruplaşma üzərinə götürməyib.

Dəyanət Ağalarlı
Ordu.az