SQQ Sveydənin şərqində üstünlüyü ələ almaqdadır

2018/08/image-1257864-860_poster_16x9-gqip-1257864_1533622308.jpg
Oxunub: 3863     13:46     07 Avqust 2018    
Rusiyanın hava dəstəyi ilə İŞİD-ə qarşı Sveydədə əməliyyatlarını davam etdirən Suriya Quru Qoşunları ötən gün ərzində terrorçuların mövqelərini əhəmiyyətli dərəcədə sarsıdıb.

Ordu.az xarici KİV-lərə istinadən xəbər verir ki, bu barədə rəsmi məlumatı Suriya Müdafiə Nazirliyi yayıb.

Bildirilib ki, Suriya Quru Qoşunlarının 4-cü tank diviziyası ötən gün ərzində terrorçuların mövqelərinə intensiv artilleriya zərbələri endirib.

Məlumata əsasən 40-a qədər İŞİD terrorçusunun zərərsizləşdirilməsi ilə nəticələnən əməliyyatlarda Sveydənin şərqində yerləşən Kara yüksəklikləri və Təl Qəsr yaşayış məntəqəsi azad edilib.

Ordu bu gün səhərdən etibarən əməliyyatlara qaldığı yerdən davam edib.

Dəyanət Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Suriya   Sveydə   İŞİD   Terrorla-Mübarizə  


Bizi "telegram"da izləyin