Ordu.az “Sputnik”ə istinadən xəbər verir ki, bu barədə Rusiya Milli Müdafiə Nəzarət Mərkəzinin sədri general-polkovnik Mixayil Mizintsev bildirib.

Onun sözlərinə görə, BMT-nin Humanitar İşlərin Koordinasiya bürosu bir neçə ay ərzində 890 mindən çox qaçqının Suriyaya geri dönəcəyini bildirib.

Mizintsev qeyd edib ki, öz yurduna geri dönmək istəyən 10 mindən çox qaçqının sorğusu artıq Livan regional qaçqın mərkəzinə göndərilib.

“Livan hökuməti qaçqınların Suriya ərazisinə geri dönməsi işində Suriya tərəfi ilə əməkdaşlıq üzrə birgə komitənin yaradılması üzrə işçi qrupu formalaşdırıb. Livanın regional mərkəzlərinin hesabatına görə, əllərində 10 mindən çox suriyalının sorğusu var, onlar ana yurdlarına qayıtmaq istəyirlər”, - deyə o əlavə edib.

Ağalar Ağalarlı
Ordu.az