Türkiyədə terror hücumu: 9 nəfər yaralanıb

2018/08/thumbs_b_c_0e947b425cb4fcaef6210ea4e6e2ab81_1533359566.jpg
Oxunub: 3093     13:10     04 Avqust 2018    
PKK terror qruplaşması Türkiyənin Hakkari vilayətində terror hücumu həyata keçirib.

Ordu.az xarici KİV-lərə istinadən xəbər verir ki, bu barədə rəsmi açıqlamanı Hakkari bölgə rəhbərliyi verib.

Bildirilib ki, Hakkarinin Yüksəkova şəhərində PKK terrorçuları polislərə məxsus “Kirpi” zirehli avtomobilinə hücum ediblər.

Belə ki, hərbi nəqliyyat vasitəsinin keçidi zamanı əvvəlcədən yerə döşənmiş partlayıcı qurğular aktivləşdirilib.

Rəsmi məlumata əsasən hücum zamanı avtomobildə olan 9 polisin hər biri müxtəlif dərəcələri xəsarətlər alıb, itki yoxdur.

Dəyanət Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   PKK   Terror  


Bizi "telegram"da izləyin